ఆత్మవిశ్వాసమే అసలైన విజయం
ఒక ఊరిలో సోము అనే యువకుడు ఉండేవాడు. అతను చాలా దైవ భక్తి కలిగినవాడు. ఏ పని మొదలుపెట్టినా దేవుడిపై భారం వేసేవాడు కానీ, తన శ్రమపై అతనికి నమ్మకం ఉండేది కాదు. దీనివల్ల అతను చేసే ప్రతి పనిలోనూ ఏదో ఒక ఆటంకం ఎదురయ్యేది.
ఒకరోజు ఒక సన్యాసి అతనికి ఇలా చెప్పారు: "సోము, నువ్వు ముప్పై మూడు కోట్ల దేవతలను పూజించినా, నిన్ను నువ్వు నమ్మనంత వరకు ఆ దేవుడు కూడా నీకు సహాయం చేయలేడు. నీలో ఉన్న శక్తిని గుర్తించు." ఆ మాటలతో సోము ఆలోచన మారింది. తనపై తాను నమ్మకం పెంచుకుని కష్టపడటం మొదలుపెట్టాడు. త్వరలోనే అతను తన లక్ష్యాన్ని చేరుకున్నాడు. మన మీద మనకు నమ్మకం ఉన్నప్పుడే ప్రపంచం మనల్ని నమ్ముతుంది.
ప్రముఖుల సూక్తులు
- నిన్ను నువ్వు నమ్మడమే విజయానికి మొదటి మెట్టు. – స్వామి వివేకానంద
- మీరు చేయగలరని నమ్మినా, చేయలేరని నమ్మినా.. మీరు అనుకున్నది నిజమవుతుంది. – హెన్రీ ఫోర్డ్
- నీ నీడ నిన్ను వదిలేయవచ్చు కానీ, నీ ఆత్మవిశ్వాసం నిన్ను ఎప్పటికీ వదలకూడదు. – డా. బి.ఆర్. అంబేద్కర్
బి శివ శంకర్ ప్రసాద్
0 Comments