రేపు సీఎం చంద్రబాబుతో క్యాబినెట్ సబ్ కమిటీ భేటీ: పాలకొండకు జిల్లా హోదా దక్కేనా?జిల్లాల పునర్విభజనపై కీలక చర్చ - 32 జిల్లాలకు అవకాశం!

పాలకొండ వెబ్ న్యూస్ .. కళాభారతి న్యూస్ అ ఆంధ్రప్రదేశ్‌లో కొత్త జిల్లాల ఏర్పాటు, జిల్లా కేంద్రాల మార్పుపై నెలకొన్న ఉత్కంఠ   మరింత స్పష్టం కానుంది. ముఖ్యమంత్రి నారా చంద్రబాబు నాయుడుతో క్యాబినెట్ సబ్ కమిటీ కీలక సమావేశం కానుంది.ఈ భేటీలో కమిటీ సమర్పించిన నివేదికపై తుది చర్చ జరిగి, అనేక అంశాలపై స్పష్టత వచ్చే అవకాశం ఉంది.

ప్రస్తుతం రాష్ట్రంలో ఉన్న 26 జిల్లాల సంఖ్యను 32 జిల్లాలకు పెంచాలని కూటమి ప్రభుత్వం ప్రాథమికంగా నిర్ణయించినట్లు తెలుస్తోంది. గత ప్రభుత్వ హయాంలో జరిగిన అశాస్త్రీయ విభజనలోని లోపాలను సవరించడం, ఎన్నికల హామీలను నెరవేర్చడం ఇందులో ముఖ్య ఉద్దేశాలు.

పాలకొండ ఆశలపై నీళ్లు: కొత్త ప్రతిపాదనల్లో లేని పేరు!

ఉత్తరాంధ్రలోని పాలకొండ ప్రాంత ప్రజలు జిల్లా సాధన కోసం ఎన్నో రోజులుగా ఎదురుచూస్తున్నారు. అయితే, మంత్రివర్గ ఉప సంఘం చేసిన తాజా ప్రతిపాదనల జాబితాలో పాలకొండ పేరు లేకపోవడం ఆ ప్రాంతవాసులకు నిరాశను మిగిల్చింది.

కొత్తగా ప్రతిపాదించిన 6 జిల్లాలు ఇవే:

 * 1️⃣ రంపచోడవరం (ఏజెన్సీ ప్రాంతాల కోసం)

 * 2️⃣ పలాస (శ్రీకాకుళం జిల్లాలో మార్పులు)

 * 3️⃣ అమరావతి (రాజధాని ప్రాంతంలో అర్బన్ జిల్లా)

 * 4️⃣ మార్కాపురం (ప్రకాశం జిల్లా విభజనలో)

 * 5️⃣ గూడూరు (నెల్లూరు జిల్లాలో మార్పులు)

 * 6️⃣ మదనపల్లి (అన్నమయ్య/చిత్తూరు జిల్లాలలో మార్పులు)

డిసెంబర్ 31లోగా పూర్తి!

జిల్లాల పునర్వ్యవస్థీకరణ ప్రక్రియను ఈ ఏడాది డిసెంబర్ 31వ తేదీలోగా పూర్తి చేయాలని ప్రభుత్వం లక్ష్యంగా పెట్టుకుంది. నేటి భేటీ అనంతరం, నవంబర్ 7వ తేదీన జరగబోయే పూర్తి స్థాయి క్యాబినెట్ సమావేశంలో కొత్త జిల్లాల ఏర్పాటుకు తుది ఆమోదముద్ర వేసే అవకాశం ఉందని రాజకీయ వర్గాల్లో చర్చ జరుగుతోంది.

పాలకొండ. కొత్త జిల్లాగా చేయాలని స్థానిక ప్రజలు, సాధన సమితి కోరుతున్నప్పటికీ, ప్రస్తుతానికి కేబినెట్ సబ్ కమిటీ ప్రతిపాదనల్లో దాని పేరు లేకపోవడంతో జిల్లా హోదా దక్కే అవకాశం కనిపించడం లేదు.

....... B. శివ శంకర ప్రసాద్ ఎడిటర్...