పాలకొండ వెబ్ న్యూస్ : పార్వతీపురం మన్యం జిల్లా పరిధిలోని పాలకొండ మండలం పాలకొండ నగర పంచాయతీ నీలమ్మ కాలనీలో నివాసితులు తీవ్ర ఇబ్బందులు ఎదుర్కొంటున్నారు. కాలనీలోని 4వ మరియు 8వ వార్డుల పరిధిలో ఉన్న సచివాలయం రోడ్ ప్రాంతం ప్రస్తుతం నీటితో పూర్తిగా నిండిపోయింది. గత రెండు రోజులుగా వచ్చిన నీరు ఈ ప్రధాన వీధి గుండా ప్రవహిస్తూ, రాకపోకలను పూర్తిగా అడ్డుకుంటోంది. దీంతో ఆ వీధిలో నివసించే ప్రజలు, ముఖ్యంగా వృద్ధులు, విద్యార్థులు తమ దైనందిన పనుల కోసం బయటకు వెళ్లడానికి నానా కష్టాలు పడుతున్నారు. నీరు నిలిచిపోవడం వలన దోమల బెడద పెరిగి, అంటువ్యాధులు ప్రబలే అవకాశం ఉందని స్థానికులు తీవ్ర ఆందోళన వ్యక్తం చేస్తున్నారు. ఈ సమస్యపై సంబంధిత అధికారులు తక్షణమే స్పందించి, నిలిచిన నీటిని తొలగించి, స్థానికుల రాకపోకలకు మార్గాన్ని సుగమం చేయాలని నీలమ్మ కాలనీ వాసులు కోరుతున్నారు.
0 Comments