పాలకొండ: జిల్లా సాధన దీక్షలు ముగింపు

పాలకొండ వెబ్ న్యూస్ :  నవంబరు 2

జిల్లాల పునర్విభజనలో అన్యాయం జరిగిందని ఆరోపిస్తూ, పాలకొండను జిల్లాగా ప్రకటించాలని లేదా శ్రీకాకుళం జిల్లాలో కలపాలని డిమాండ్ చేస్తూ పాలకొండ జిల్లా సాధన సమితి ఆధ్వర్యంలో చేపట్టిన రిలే నిరాహార దీక్షలు ఆదివారం నాటికి విజయవంతంగా ముగిశాయి.

ఈ దీక్షలకు అన్ని రాజకీయ పార్టీలు, వర్తక, వ్యాపార, ఉద్యోగ సంఘాలు, మాజీ సైనికులు, ప్రజా సంఘాలు సంపూర్ణ సంఘీభావం తెలిపాయి. జనసేన సంపూర్ణ మద్దతు జనసేన పార్టీ ఉమ్మడి శ్రీకాకుళం జిల్లా అధ్యక్షుడు పిసిని చంద్రమోహన్ దీక్షా శిబిరాన్ని సందర్శించి మద్దతు ప్రకటించారు. జిల్లాల విభజనలో ప్రజల్లో ఉన్న అసంతృప్తిని పరిష్కరించేందుకు రాష్ట్ర కూటమి ప్రభుత్వం ఇప్పటికే ఏడుగురు మంత్రులతో కూడిన ఉప సంఘాన్ని ఏర్పాటు చేసిందని ఆయన తెలిపారు. పాలకొండ ప్రజల మనోభావాలను ఉప ముఖ్యమంత్రి పవన్ కళ్యాణ్ దృష్టికి తీసుకెళ్లామని, ఈ అంశం ప్రభుత్వం పరిశీలనలో ఉందని స్పష్టం చేశారు. పాలకొండ ప్రాంత ప్రజల డిమాండ్ న్యాయబద్ధమైంది అని ఆయన పేర్కొన్నారు.మూడో రోజు దీక్షలో వీరు మూడో రోజు నిరాహార దీక్షలో పాల్గొన్న వారిలో ముఖ్యులు:

 * తిర్లిలింగి ఉపేంద్ర (సర్పంచ్, లుంబురు)

 * దుంపల రమేష్ బాబు

 * బుడితి భారతి (మహిళా సంఘం)

 * ద్వారపూడి అప్పలనాయుడు (సిపిఐ మండల కార్యదర్శి)

 * అల్లు కోటేశ్వరరావు, రెడ్డి బాలకృష్ణ, వండాన సంతోష్

 * బొత్స గౌర్నాయుడు (రైతు సంఘం)

సుడా చైర్మన్‌కు వినతి

సాధన సమితి ప్రతినిధి వర్గం సుడా చైర్మన్ కొరికాన  కోరికన రవికుమార్ కలిసి విజ్ఞాపన పత్రాన్ని అందజేసింది. దీనిపై ఆయన సానుకూలంగా స్పందించి, ప్రజల సమస్యను ప్రభుత్వం దృష్టికి తీసుకెళ్తానని హామీ ఇచ్చారు. జిల్లాల పునర్విభజన సమస్యపై ప్రభుత్వం ప్రజల మనోభావాలకు అనుగుణంగానే ఉంటుందని ఆయన ఆశాభావం వ్యక్తం చేశారు.

సంఘీభావం తెలిపిన సంఘాలు

దీక్షలకు మద్దతుగా విశాలాంధ్ర ఉత్తరాంధ్ర మేనేజర్ సనపల నరసింహులు సంఘీభావం తెలిపారు. పాలకొండ పట్టణంలోగల ఉద్యోగ, ఉపాధ్యాయ, రిటైర్డ్ ఆర్మీ సైనికుల సంఘం, మెడికల్ షాపుల సంఘం తరఫున కొట్టిస రాజశేఖర్ , బట్టల వ్యాపార సంఘం, రజక సంఘం నాయకులు పెద్ద ఎత్తున హాజరై మద్దతు పలికారు.

మద్దతు తెలిపిన పెద్దలు:

వెలమల మన్మధరావు (వైఎస్ఆర్సిపి పట్టణ అధ్యక్షులు), బాసూరు కాంతారావు, రుంకు రామకృష్ణ, తుమ్మగుంట శంకర్రావు, సబ్బ నానాజీ (ట్రెజరర్), వండన కూర్మారావు (జిల్లా కార్యదర్శి), కనపాక చౌదరి నాయుడు, బుడితి అప్పలనాయుడులతో పాటు అనేక వర్గాలకు చెందిన ప్రముఖులు దీక్షా శిబిరానికి వచ్చి సంఘీభావం ప్రకటించారు.

రేపు (సోమవారం) ర్యాలీ

సాధన సమితి గౌరవ అధ్యక్షులు కనపాక చౌదరి నాయుడు, అధ్యక్షులు బుడితి అప్పలనాయుడు ఒక ప్రకటన విడుదల చేశారు. రేపు ఉదయం 10 గంటలకు శ్రీ కోట దుర్గ అమ్మవారి ఆలయం నుంచి పాలకొండ సబ్ కలెక్టర్ కార్యాలయం వరకు భారీ ర్యాలీ ప్రారంభమవుతుందని తెలిపారు. ఈ ర్యాలీని, సబ్ కలెక్టర్ కార్యాలయం వద్ద జరిగే ధర్నా కార్యక్రమాన్ని ప్రజలందరూ పాల్గొని జయప్రదం చేయాలని వారు విజ్ఞప్తి చేశారు.