భగవాన్ శ్రీ సత్యసాయిబాబా వారి శతజయంతి ఉత్సవాల సందర్భంగా, పాలకొండ సత్యసాయి మందిరంలో ఈరోజు (20.11.2025) యువజన దినోత్సవాన్ని అత్యంత వైభవంగా నిర్వహించారు. "ఓం శ్రీ సాయిరాం" నినాదాలతో మందిరం మార్మోగింది. ఈ సందర్భంగా, పాలకొండ సత్యసాయి సేవా సమితి ఆధ్వర్యంలో గొప్ప సేవా కార్యక్రమాన్ని చేపట్టారు. స్థానిక ప్రభుత్వ ఆసుపత్రిలో చికిత్స పొందుతున్న 75 మంది రోగులకు సాయి సేవకులు పండ్లను పంపిణీ చేశారు. రోగుల యోగక్షేమాలను అడిగి తెలుసుకుని, వారికి భగవాన్ ఆశీస్సులు అందించారు. సాయి సేవ యొక్క ప్రాధాన్యతను చాటుతూ ఈ కార్యక్రమం విజయవంత మైంది.
సాయంకాలం వేళ నగర వీధుల్లో నిర్వహించిన మహానగర సంకీర్తన (భజన) భక్తి పారవశ్యాన్ని కలిగించింది. సత్యసాయి భజనలు, కీర్తనలు ఆలపిస్తూ భక్తులు పాలకొండ పట్టణంలో నడిచారు. ఈ మహానగర సంకీర్తన కడురమ్యంగా, ఆధ్యాత్మిక శోభతో అలరారింది. ఈ సేవా, భక్తి కార్యక్రమాల్లో యువకులు, మహిళలు, వృద్ధులు సహా భక్తులు అధిక సంఖ్యలో పాల్గొని, సాయి నామాన్ని స్మరిస్తూ జయంతి వేడుకల స్ఫూర్తిని పెంచారు. పాలకొండ సత్యసాయి సమితి సభ్యులు కార్యక్రమాల ఏర్పాట్లను పర్యవేక్షించారు.
0 Comments