ప్రభుత్వ విద్య బలోపేతానికి సహకరించాలి - కేకే రాజుపురంలో 'మెగా పీటీఎం 3.0'

బూర్జ మండలం: మండలంలోని కేకే రాజుపురం జిల్లా పరిషత్ ఉన్నత పాఠశాలలో శుక్రవారం 'మెగా పేరెంట్స్ టీచర్ మీటింగ్ 3.0' (తల్లిదండ్రులు-ఉపాధ్యాయుల సమావేశం) ఘనంగా జరిగింది. ఈ సందర్భంగా పాఠశాల ప్రధానోపాధ్యాయురాలు శ్రీమతి మాలతి మాట్లాడుతూ, విద్యార్థుల ప్రగతిని సమీక్షించడానికి మరియు తల్లిదండ్రులతో అనుబంధాన్ని పెంచడానికి ఇటువంటి సమావేశాల ఆవశ్యకతను వివరించారు.

సర్పంచ్ కె.వి.ఎస్.ఎస్. సీతారామరాజు మాట్లాడుతూ... పాఠశాలలో విద్యార్థిని విద్యార్థులకు చదువుతో పాటుగా క్రమశిక్షణకు తగిన ప్రాధాన్యత ఇవ్వాలని ఉద్ఘాటించారు.

💡 ఉపాధ్యాయులు నిరంతర విద్యార్థిగా ఉంటూ విద్యార్థిని విద్యార్థులకు  బోధించాలి

సీనియర్ న్యాయవాది టి. సింహాచలం ప్రసంగిస్తూ... ఉపాధ్యాయులు నిరంతర విద్యార్థిగా ఉంటూ, విద్యార్థిని విద్యార్థులకు బోధించాలని కోరారు. "ప్రస్తుత సమాజంలో జరుగుతున్న మార్పులకు అనుగుణంగా విద్యను బోధించాలి. విద్యార్థులు సమాజంలో గుర్తింపు తెచ్చుకునేలా ఉండాలంటే, తల్లిదండ్రులు, గ్రామ పెద్దలు, విద్యావంతులు తప్పనిసరిగా సహకరించాలి," అని ఆయన అన్నారు.

📣 ప్రభుత్వ బడుల బలోపేతానికి పిలుపు

ఈ సమావేశంలో పాల్గొన్న వక్తలు, ప్రభుత్వ బడులలో చదవడం వలన పిల్లలు ఎంతో ఉన్నత స్థాయికి చేరుకుంటారని నొక్కి చెప్పారు. తల్లిదండ్రులు ప్రైవేట్ స్కూళ్లకు వెళ్లకుండా, ప్రభుత్వ పాఠశాలలను బలోపేతం చేయవలెనని వారు కోరారు.

ఈ కార్యక్రమంలో వక్తలు సీతారామరాజు, అశోక్, బి. చిట్టిబాబు, ఎస్. అసిరి నాయుడు, కే. సూరన్నాయుడు తదితరులుపాల్గొన్నారు. ప్రధానోపాధ్యాయులు మాలతి సహా ఉపాధ్యాయులు మేరీ ప్రసాద్, గోపి, ఈ. అప్పన్న ఈ సమావేశంలో పాల్గొన్నారు

.. News by.. T. Simhachalam..