పాలకొండ రెవెన్యూ డివిజన్‌ను జిల్లా చేయాలి లేదా శ్రీకాకుళం జిల్లాతో కలపాలి : శ్రీ కోటదుర్గమ్మ వారికి విజ్ఞాపన పత్రం సమర్పణ

 పాలకొండ వెబ్ న్యూస్ తేదీ: 26-09-2025 

పాలకొండ జిల్లా సాధన సమితి గౌరవ అధ్యక్షులు కనపాక చౌదరి నాయుడు, అధ్యక్షులు బుడితి అప్పలనాయుడు, కార్యదర్శి వండాన కూర్మారావు, బీసీ నాయుడు తదితరులు పాలకొండ శ్రీ కోటదుర్గమ్మ వారికి విజ్ఞాపన పత్రాలు సమర్పించారు.

విజ్ఞాపన పత్రాలలో ప్రధానంగా పాలకొండను రెవెన్యూ డివిజన్‌గా జిల్లా చేయాలని లేదా శ్రీకాకుళం జిల్లాతో కలపాలని ఈ ప్రాంత ప్రజల కోరిక వ్యక్తం చేయబడింది. జిల్లా సాధన సమితి గౌరవ అధ్యక్షులు, అధికార పార్టీలు ఈ అంశంపై తక్షణ చర్యలు తీసుకోవాలని కోరారు.

ఈ కార్యక్రమంలో శ్రీకాకుళం జిల్లా కలెక్టర్, రాష్ట్ర మంత్రి కింజరాపు అచ్చం నాయుడు, సీనియర్ శాసన సభ్యులు, మాజీ మంత్రివర్యులు కిమిడి కళా వెంకట్రావు మరియు ప్రభుత్వం ఏర్పాటు చేసిన మంత్రివర్గ ఉపసంఘానికి పత్రాలు అందించడానికి ఏర్పాట్లు చేయబడ్డాయి.

ఇప్పటికే రాష్ట్ర ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కళ్యాణ్ తదితరులకు కూడా విజ్ఞాపన పత్రాలు అందించబడ్డాయని అధ్యక్షులు తెలిపారు. అధికారి సమక్షంలో మరిన్ని పత్రాలు ప్రజల నుండి స్వీకరించడానికి కార్యక్రమం కొనసాగుతుందని తెలిపారు.