పాలకొండ వెబ్ న్యూస్: పాలకొండ మండలం, లుంబూరు గ్రామంలో స్థానిక రామ మందిరం దగ్గర గ్రామ సభను నిర్వహించారు. ఈ కార్యక్రమానికి సర్పంచ్ తిర్లంగి ఉపేంద్ర కుమార్ అధ్యక్షత వహించారు. వచ్చే సంవత్సరానికి ఉపాధి హామీ పనుల కోసం సుమారు రూ. ఒక కోటి యాభై లక్షల రూపాయల (రూ.1,50,00,000/-) అంచనా ఎస్టిమేషన్స్ వేయడం జరిగిందని ఈ సందర్భంగా సర్పంచ్ ఉపేంద్ర కుమార్ తెలిపారు. గ్రామంలో చేపట్టే పనులలో రైతులకు మేలు చేసే పనులను మాత్రమే ముందుగా గుర్తించి వాటికే ప్రాధాన్యత ఇవ్వాలని ఆయన సూచించారు. గ్రామ అభివృద్ధికి సంబంధించిన అనేక అంశాలపై గ్రామ సభలో చర్చించారు. ఈ కార్యక్రమంలో టెక్నికల్ అసిస్టెంట్ రోజా రమణి, మాజీ సర్పంచ్ రౌతు స్వామిబాబు, కొండు చిన్నం నాయుడు, వంగపండు దుర్గా రావు, ఫీల్డ్ అసిస్టెంట్ రౌతు నారాయణ రావు, సచివాలయం సిబ్బందితో పాటు రైతులు మరియు గ్రామస్థులు పెద్ద సంఖ్యలో పాల్గొన్నారు.
0 Comments