రైతు బజార్లకు డిజిటల్ రూపం – సీఎం చంద్రబాబు

రాష్ట్రవ్యాప్తంగా రైతు బజార్లను ఆధునీకరించి, మొబైల్ రైతు బజార్లు ప్రవేశపెట్టాలని ముఖ్యమంత్రి ఎన్. చంద్రబాబు నాయుడు ఆదేశించారు. వ్యవసాయంపై గురువారం జరిగిన సమీక్షా సమావేశంలో మాట్లాడుతూ, రైతులకు గిట్టుబాటు ధరలు, వినియోగదారులకు నాణ్యమైన ఉత్పత్తులు అందించడం లక్ష్యమని తెలిపారు.

“రైతు బజార్లు రైతులు–వినియోగదారుల మధ్య ప్రత్యక్ష వారధిగా మారాలి” అని అన్నారు.

మాస్టర్ ప్లాన్‌లో డిజిటల్ ఇంటిగ్రేషన్, లాజిస్టిక్స్ సమన్వయం, నాణ్యత నియంత్రణ విధానాలు ఉండాలని సూచించారు. పప్పుధాన్యాల సేకరణలో అవకాశాలను ఉపయోగించుకోవాలని, కర్ణాటక నమూనాను అధ్యయనం చేసి పట్టుపురుగుల ఉత్పత్తి పెంపుకు చర్యలు తీసుకోవాలని ఆదేశించారు.