వెలగవాడలో ‘వికసిత భారత్ - వికసిత పంచాయతీ’ గ్రామ సభ

పాలకొండ వెబ్ న్యూస్: పాలకొండ నియోజకవర్గ పరిధిలోని వెలగవాడ సచివాలయంలో సోమవారం ‘వికసిత భారత్ - వికసిత గ్రామ పంచాయతీ’ పై అవగాహన సదస్సు మరియు గ్రామ సభ ఘనంగా నిర్వహించారు. స్థానిక సర్పంచ్ శాసపు సుగుణాకర్ రావు అధ్యక్షతన జరిగిన ఈ కార్యక్రమంలో గ్రామాభివృద్ధి, ప్రభుత్వ పథకాలపై విస్తృతంగా చర్చించారు.

ఉపాధి హామీ 125 రోజులకు పెంపు: డిప్యూటీ MPDO కృష్ణారావు ఈ సమావేశానికి ముఖ్య అతిథిగా విచ్చేసిన డిప్యూటీ MPDO కృష్ణారావు ప్రసంగిస్తూ కీలక అంశాలను ప్రస్తావించారు:

 * పరిశుభ్రత: సచివాలయం పరిధిలోని గ్రామాలన్నీ పరిశుభ్రంగా ఉండాలని, బహిరంగ మలవిసర్జన రహిత గ్రామాలుగా తీర్చిదిద్దాలని పిలుపునిచ్చారు.

 * ఉపాధి హామీ: గతంలో ఉన్న 100 పని దినాలను 125 రోజులకు పెంచడం ఉపాధి కూలీలకు ఒక గొప్ప అవకాశమని, దీనిని సద్వినియోగం చేసుకుని జిల్లాకు మంచి పేరు తీసుకురావాలని కోరారు.

 * అభివృద్ధి: ప్రతి ఒక్కరూ ఇంటి పన్నులు సకాలంలో చెల్లించి సచివాలయం మరియు గ్రామాభివృద్ధికి సహకరించాలని కోరారు. 'ముస్తాబు' కార్యక్రమాన్ని పూర్తిస్థాయిలో అమలు చేసి విజయవంతం చేయాలని అధికారులను ఆదేశించారు.

పారదర్శకతతోనే అభివృద్ధి: అభ్యుదయ రైతు ప్రసాద్ రావు

అభ్యుదయ రైతు ఖండపు ప్రసాద్ రావు మాట్లాడుతూ.. 2005లో ప్రారంభమైన ఉపాధి హామీ పథకం ద్వారా గత 15 ఏళ్లలో వేల కోట్ల రూపాయలు వెచ్చించారని గుర్తు చేశారు. ఈ పథకాన్ని పారదర్శకంగా అమలు చేయడం వల్ల గ్రామాలు ఎంతో అభివృద్ధి చెందాయని ఆయన పేర్కొన్నారు.

పాల్గొన్న ప్రముఖులు:

ఈ కార్యక్రమంలో సచివాలయ కార్యదర్శి దిలీప్, ఉపాధి హామీ E.C. పద్మ, సీనియర్ టీడీపీ నాయకులు అల్లు కోటేశ్వరరావు, సచివాలయ సిబ్బంది మరియు గ్రామస్తులు పెద్ద సంఖ్యలో పాల్గొన్నారు.