జో జో బాలరామచంద్ర – జోలపాట

జో జో బాలరామచంద్ర – జోలపాట

పల్లవి

బజ్జోర నాతండ్రి బజ్జోర నాకన్నా

బజ్జోర నానాన్న బాలరామచంద్ర ॥

అనుపల్లవి

బువ్వ తిన్నావేళ మారాము చేస్తావు

ముసి ముసి నవ్వులతో మురిపిస్తువుంటావు ॥

చరణం 1

చంద్రుణ్ణి చూసి నువ్వు బువ్వారగిస్తావు

నీమోమునే చూసి చంద్రుడేమురిసే

బజ్జోర నాతండ్రి బజ్జోరనాకన్నా

బజ్జోర నానాన్న బాలరామచంద్ర ॥

చరణం 2

నీ ఆటపాటలు చూసి లోకమ్మే మురిసేను 

లోకాలనేలేటి నారామచంద్ర

బజ్జోర నాతండ్రి బజ్జోర నాకన్నా

బజ్జోర నానాన్న బాలరామచంద్ర ॥

చరణం 3

తండ్రికిచ్చిన మాటతో అడవుల్లోకెళ్లావు

అడవుల్లో కెళ్ళినువ్వు రాక్షసులను చంపావు

బజ్జోర నాతండ్రి బజ్జోర నాకన్నా

బజ్జోర నానాన్న బాలరామచంద్ర ॥

చరణం 4

సీతమ్మతోడ రాజ్యానికొచ్చావు

సీతమ్మనువిడిసి  క్షోబెంతో పడ్డావు

బజ్జోర నాతండ్రి బజ్జోర నాకన్నా

బజ్జోర నానాన్న బాలరామచంద్ర ॥

చరణం 5

అవతార పురుషుడిగా లోకంలో వెలిశావు

లోకానికేనువ్వు వెలుగుల్నినింపావు

బజ్జోర నాతండ్రి బజ్జోర నాకన్నా

బజ్జోర నానాన్న బాలరామచంద్ర ॥

ముగింపు

బజ్జోర నాతండ్రి బజ్జోర నాకన్నా

బజ్జోర నానాన్న బాలరామచంద్ర

బజ్జోర నాతండ్రి బజ్జోర నాకన్నా

బజ్జోర నానాన్న బాలరామచంద్ర ॥॥

రచన : అల్లెన కాశీ దాస్..