భారతమాత స్వేచ్ఛా వాయువులు పీల్చి 79 ఏళ్ళు పూర్తయి, నేడు 80వ స్వాతంత్ర్య దినోత్సవ వజ్రోత్సవ తీరాలకు చేరిన శుభవేళ దేశమంతటా దేశభక్తి ఉప్పొంగుతోంది. జాతీయ గీతం ‘వందేమాతరం’ అలలలా సాగి 150 ఏళ్ల చారిత్రక వారసత్వాన్ని సంపూర్తి చేసుకుంటున్న వేళ, ఈనాటి వేడుకలు భారతీయుల గుండెల్లో సరికొత్త అధ్యాయాన్ని లిఖిస్తున్నాయి. కేంద్ర ప్రభుత్వం ఈ ఏడాది ‘యువశక్తి ఫర్ వికసిత్ భారత్@2047’ అనే మహోన్నత ఆశయంతో ముందడుగు వేస్తోంది. స్వాతంత్ర్య సమరయోధుల త్యాగాలను స్మరించుకుంటూనే, భవిష్యత్తు భారతాన్ని అగ్రగామిగా నిలబెట్టే బాధ్యత నేటి యువతపై ఉందనే సందేశాన్ని ఈ నినాదం స్పష్టం చేస్తోంది.
నాడు బ్రిటిష్ పాలనను ఎదిరించి స్వరాజ్యాన్ని సాధించిన ఉద్యమ స్ఫూర్తి, నేడు పేదరికం, అసమానతలు, అభివృద్ధి లేమిపై పోరాడటానికి దారితీపాలి. 2047 నాటికి వికసిత భారత్గా అవతరించాలన్న లక్ష్యం నెరవేరాలంటే యువత సాంకేతికత, ఆవిష్కరణలు, సమగ్ర వికాసం వైపు అడుగులు వేయాలి. ప్రగతి ఫలాలు ప్రతి పల్లెకు, ప్రతి పేదవానికి అందినప్పుడే అమరుల త్యాగాలకు సార్థకత లభిస్తుంది. 80వ స్వాతంత్ర్య దినోత్సవ వేళ ప్రతీ పౌరుడు నవభారత నిర్మాణంలో భాగస్వామి కావాలని పునరంకితమవుదాం.
news by: BSS ప్రసాద్, పాలకొండ వెబ్ న్యూస్ వార్తల కోసం: https://www.palakondawebnews.in
0 Comments